Framtíðarsýnin!

Mig langar að henda inn fyrstu bloggfærslunni minni á þessu bloggi, skrifaðri í ágúst 2007, í tengslum við þessa frétt: http://www.mbl.is/mm/folk/frettir/2007/08/17/aldrei_fleiri_a_laugardalsvelli/

 Það er ekki laust við að ég fái hroll!

 

Kynþátta- og aðrir fordómar á Íslandi

Ég er guðslifandi fegin að Pólverjar líkjast okkur Íslendingum afar mikið í útliti. Þetta skal ekki skiljast sem svo að ég hafi nokkuð út á fólk sem ekki líkist okkur að setja. Við erum öll fædd allsber og organdi; rík, fátæk, svört, hvít, brún, rauð, gul eða hvaða lit regnbogans hefur verið smellt á okkur til að hægt sé að skilgreina okkur út frá einhverju sem engu máli skiptir. Önnur saga. Aftur að Pólverjunum. Upp er komin leiður vani í þjóðfélaginu. Heyrist á kaffistofum fyrirtækjanna stórkarlalegur rómur: "HVABARA FÁ PÓLVERJA Í DJOBBIÐ, KOSTAR SKÍTOGKANIL, SPOTTPRÍS" og þar fram eftir götunum (stórkarlinn eða viðmælandi hans er að sjálfsögðu að byggja eða breyta, eitthvað þarf hann nú að gera við þennan pening sinn). Útlendingar kallast svo einu nafni "Þetta Fólk" og er víst afskaplega gott að hafa í vinnu. Fordekruð og rík þjóðin kann og getur ekki lengur skeint sér sjálf og þarf annað fólk í djobbið. Á hálfvirði.  Nú komum við að vandamálinu. Hvað gerist þegar við fáum skellinn? Bólan springur og við taka erfiðleikar og við okkur blasir atvinnuleysi. Við endurfinnum hæfileikann til að þerra munnvikin, hysja upp um okkur buxurnar og borga útsvar. Þá er "Þetta Fólk" hér enn, börnin þeirra að vaxa úr grasi og skjóta rótum. Upp munu hefjast háværar raddir um að nú megi það fara aftur heim, en þetta "heim" mun þá vera Norðlingaholtið, Vellirnir og og Úlfarsfell. Mun það gleymast að á sínum tíma hefði allsgnægtasamfélagið kolfallið um sjálft sig hefði þessa fólks ekki notið við? Mun það gleymast að þetta fólk hefur borgað sína skatta og eigi jafnan rétt á bótum og þjónustu og "Við"? Eflaust. Og litla stolta þjóðin leitandi að vinnu myndi ekki höndla það ef á okkur væri sjánlegur munur. Ef Pólverjar væru grænir væri nefnilega hægt að miða þá út, kýla þá niður og bíta af þeim eyrað niðrí miðbæ á laugardagskvöldi.

 FRAMTÍÐARSÝN?

Eða sjáum við þetta fyrir okkur fyrr en varir? Við hverju má búast af fólki sem stendur tugþúsundum saman á íþróttavelli og hyllir gamlingja færða í stílfærðar Hitler-Jugend múnderingar syngjandi um bankaræningjan Svarta-Pétur hengdan upp í næsta tré til að fullnægja réttlætinu, bjóðandi heiðursgestinum Gesta-Bó upp á svið?

Starf Jussanam er sérhæft

Geometrísk náttúra?

Skringilega kringlótt þessi hola!

Óhugnanleg hola gleypti hús

hættuleg fáfræði

smellið hér

Rætt um negrastráka, svertingja og tíu litlar húsmæður í Alþjóðahúsinu

Fyrstur?

Já, hver ætlar þá að verða annar manna til að gera þær höfðinu styttri? Man nú ekki til þess að hafa séð þær stöllur með fleiri en eitt höfuð, en hvað veit ég, ætli það vaxi ekki bara nýtt upp eftir að hann hefur lokið sér af?

Hótar að hálshöggva Britney og Madonnu

Afsakið ónæðið

Svarið við síðustu færslu er komið og það er: BÆÐI! Kíkti í Borgarvefsjá og Reykjanesbrautin beygir svona skarpt hjá Kaplakrika... afsakið ónæðið :)

GETUR EINHVER ÚTSKÝRT ÞETTA FYRIR MÉR?

Ég vísa hér í tvær fréttir um vegaframkvæmdir. Í báðum er talað um vegaframkvæmdir á Reykjanesbraut. Ég er alveg rugluð í ríminu! Er Reykjanesbrautin vegurinn sem liggur milli Hafnarfjarðar og Breiðholts (fram hjá Smáralindinni og IKEA), eða er Reykjanesbrautin vegurinn til Keflavíkur og upp á völl? HJÁLP!!!

Vegaframkvæmdir á Reykjanesbraut

GETUR EINHVER ÚTSKÝRT ÞETTA FYRIR MÉR?

Sjá að ofan...

Víða vegaframkvæmdir

Já!

Best að halda áfram að rífa sig þá!!!

Eftirlátar konur lifa skemur

Leikskólalög

Þetta er sáraeinfalt. Þótt við gerumst brotleg má lögreglan ekki beita okkur ofbeldi og pyntingum. Þótt það geti kallast ofbeldi að setjast drukkin undir stýri þá réttlætir það ekki að konan sé beitt ofbeldi. Eða getum við núna bara farið að segja "hún byrjaði" og réttlætt gjörðir lögreglunnar með því? Var okkur ekki kennt í leikskóla að það mætti ekki?

Miklar umræður um þvagleggsmálið á bloggvef mbl.is

Hörku umræður hér (já og þar og allstaðar)

http://alit.blog.is/blog/alit/entry/292080/